كنت قاعدة عند واحدة من صحابى القربيبن فى بيت مكانه بجد غريب, تقف فى البلكونة تشوف بقه إسكندرية بالبحر كده يخليك تفكر قد إيه المكان ده ساحر و قد إيه احنا الناس اللى عايشين فيها بننسى مع الوقت سحرها و جمالها . المهم مش ده الموضوع , الفكرة أن وانا قاعدة كده فى لحظة صمت و سرحان فى الفراغ سمعت صوت طيارة بتعدى , صوتها قوته مش عارفة ليه خلت كذا فكرة تيجى فى نفس الوقت فى دماغى يمكن مايكونش فيه بنهم ترابط بس حسيت فجأة انى محتاجة اعبر عنهم و لو حتى لنفسى.
فجأة الصوت ده خلانى افتكر ضرب غزة وللحظة حطيت نفسى مكانهم و الغريبة إنى بدل ما اتعاطف لقيت فى منطق تانى لقيت استيعابى لفكرة الحرب مختلف عنهم .
الناس دى داخلين فى 60 سنة فى حرب مستمرة و بأشكال مختلفة مع عدو اجبروا على التعايش مع فكرة وجوده يعنى شعب بقه عنده وعى بثقافة أو بمعنى الحرب و مش عارفة ده إكتسبوه مع الوقت و لا إيه بس اللى افتكرته ساعتها ان جيلى فعلا جيل معرفش معنى الحرب, جيل اتولد و فيه محاولات لغرس مفهموم "السلام "... فمش عارف يعنى إيه حالة حرب من قتل و دم و افتقاد و خوف, هو جيل صحيح بيخرج فى مظاهرات و يعترض و يتعاطف بس من جانب إنسانى بحت و ليس من خلال تجربة مماثلة .
و فجأة جالى هاجس أو فكرة تانية ظهرت و مش عارفة ليه... افتكرت العراق و اللى حصل فيها من إحتلال و بلاوى تانية و سألت نفسى لو مصر حصل فيها ده كنا حنكون عملين إزاى هل السيناريو حيتكرر و لو بشكل مختلف نظرا لإختلاف طبيعة و ظروف كل شعب و لا لأ ..
العراق من أول ضربها اتعرضت لخيانة و غباوة لحد دلوقتى لكن أظن مصر الوضع مختلف, صحيح كتير بتجيلى ذكريات أيام الإنجليز بقه مظاهرات و نضال و توحد بنا كلنا لكن فى نفس الوقت بسأل هل أحنا حنفشل فى ان أحنا نعمل ده و يضحك علينا و ننشغل بقه بأفكار و هوامش سطحية و نخلص بأن أحنا نضرب فى بعض و ننسى الحاجة الأهم و هى الوطن...
فعلا مش عارفة اللى ممكن يحصل لو مصر اضربت, هل ساعتها حتكون الفرصة اللى تناسينا كل الشكليات اللى بتشغلنا ساعات من مسلم و مسيحى و غيرها من تفاهات و لا حتوقعنا فى بلوة الخزعبلات و ننسى الأساسيات .
فجأة الصوت ده خلانى افتكر ضرب غزة وللحظة حطيت نفسى مكانهم و الغريبة إنى بدل ما اتعاطف لقيت فى منطق تانى لقيت استيعابى لفكرة الحرب مختلف عنهم .
الناس دى داخلين فى 60 سنة فى حرب مستمرة و بأشكال مختلفة مع عدو اجبروا على التعايش مع فكرة وجوده يعنى شعب بقه عنده وعى بثقافة أو بمعنى الحرب و مش عارفة ده إكتسبوه مع الوقت و لا إيه بس اللى افتكرته ساعتها ان جيلى فعلا جيل معرفش معنى الحرب, جيل اتولد و فيه محاولات لغرس مفهموم "السلام "... فمش عارف يعنى إيه حالة حرب من قتل و دم و افتقاد و خوف, هو جيل صحيح بيخرج فى مظاهرات و يعترض و يتعاطف بس من جانب إنسانى بحت و ليس من خلال تجربة مماثلة .
و فجأة جالى هاجس أو فكرة تانية ظهرت و مش عارفة ليه... افتكرت العراق و اللى حصل فيها من إحتلال و بلاوى تانية و سألت نفسى لو مصر حصل فيها ده كنا حنكون عملين إزاى هل السيناريو حيتكرر و لو بشكل مختلف نظرا لإختلاف طبيعة و ظروف كل شعب و لا لأ ..
العراق من أول ضربها اتعرضت لخيانة و غباوة لحد دلوقتى لكن أظن مصر الوضع مختلف, صحيح كتير بتجيلى ذكريات أيام الإنجليز بقه مظاهرات و نضال و توحد بنا كلنا لكن فى نفس الوقت بسأل هل أحنا حنفشل فى ان أحنا نعمل ده و يضحك علينا و ننشغل بقه بأفكار و هوامش سطحية و نخلص بأن أحنا نضرب فى بعض و ننسى الحاجة الأهم و هى الوطن...
فعلا مش عارفة اللى ممكن يحصل لو مصر اضربت, هل ساعتها حتكون الفرصة اللى تناسينا كل الشكليات اللى بتشغلنا ساعات من مسلم و مسيحى و غيرها من تفاهات و لا حتوقعنا فى بلوة الخزعبلات و ننسى الأساسيات .
ليست هناك تعليقات:
إرسال تعليق